Një i vdekur nga aksidenti trafik, në spital 7-vjeçari dhe shoferi

11:59 | 20 Prill 2018
Arbresh.info

Një 64-vjeçar ka humbur jetën paraditen e të premtes në aksin rrugor Bajram Curri- Fierzë, si pasojë e përplasjes së dy mjeteve.

Sipas burimeve zyrtare, mjeti tip BMW me drejtues N. M nga Bajram Curri është përplasur me mjetin tip Benz me drejtues F. D., nga fshati Dushaj.

Si pasojë e aksidentit ka gjetur vdekjen M.D., 64 vjeç, pasagjer, vëllai i drejtuesit të mjetit tip Benz, si dhe janë transportuar në spitalin e Traumës Tiranë, drejtuesi i mjetit tip “Benz” F.D., rreth 53 vjeç, dhe i mituri E.H., rreth 7 vjeç.

Drejtuesi i mjetit tip “BMW”, është shoqëruar në komisariatin e Policisë Tropojë, për veprime të mëtejshme. Grupi hetimor ndodhet në vendngjarje, ku po punon për zbardhjen e shkaqeve të aksidentit./Top Channel

Shpërndaje në rrjete sociale

Lajmet më të lexuara

Të ngjashme

Foto lajm